نداء شرارة تتعرض للتنمر بسبب عدم زواجها!
تعرّضت المطربة الأردنية نداء شرارة للإساءة من أحد متابعيها عبر حسابها الشخصي بموقع التواصل الاجتماعي “فيسبوك”، وذلك بتعليقه بطريقة غير لائقة على أحد منشوراتها الشخصية.
وفي التفاصيل، كانت نشرت نداء شرارة صورة لها مُرفقة بعبارة لطيفة كلها أمل، جاء فيها: “لسه في الأيام أمل مستنيينه.. طول ما في الأسام في ناس عايشين عشانها.. ليه للأحلام بقية مكملينها.. طول ما في احساس قلوبنا مصدقينه”، وعلّق أحد المتابعين قائلًا: “لا تستني شكلك رح تعنسي”.
ولم تستطع الفنانة الأردنية عدم الرد على هذه الإساءة وقامت بمشاركة تعليقه مع إخفاء هويته، وكتبت: “معلش استوقفني تعليق هاد الشخص وبالعاده اي شي بيستوقفني بحب ارد عليه .. واحتراما لشخصك علما انك لا تستحق بس ما خليت اسمك يبين”
وأضافت: “انا بس عندي تعقيب ع مصطلح عانس مين اللي اخترع هاد المصطلح ، انا بعد سنه رح اصير ٣٠ سنه، يعني هل انا رح اصير معنسه..؟ هو ما ضَل شي تضغطوا في ع المرأه ف صرتوا تنعتوها بكملة عانس وياريت على عمر ٣٠ هلأ بالعشرينات وبسألوكي ليش لسا مَش متجوزه وكإنو في مشكله فيكي يعني وفي بنات بتدخل بحالة اكتئاب كل ما سمعت انو في وحده من صاحباتها تجوزت لانو اللي حواليها ضاغطينها!!! الناس اللي بتفكر بهالطريقه انتم والجهل وجهان لعملة واحده: لأنها وصلت لعمر كبير كي تتمكن من إنجاب أطفال قبل الأربعين من عمرها”.
وتابعت: “على فكره انا بقبل اضل مَش متجوزه طول حياتي، ولا اخد واحد شبهك وزيك، البنت بكل المراحل بتضلها قمر وسكر ومنوره، واللي ما بجيها نصيبها مَش عانس هيك رب العالمين كاتب كل تأخيره وفيها خيره وفِي نماذج كثيره بالعالم لسيدات ناجحه ومستقله و مَش متزوجين مين قلك الست ناقصه اذا ما تزوجت، هاد نصيب مكتوب من عند رب العالمين”.
واختتمت: “الله يكتب لكل بنت بساعة هالفجر الفرح والراحه والسعاده، وبيت مليان حب وسعاده دائمة اهم من زواج مليان كره و مرار وقلة تقدير ومشاكل ووجع راس لاولادهم بس لانها اضطرت تتجوز؛ عشان خايفه تكبر وتروح فرصتها”.
